Haju saputu ca cce sunu gente
Chi cumpranu terreni supra a luna.
ppe quantu sacciu iu, llà, nun cc'è nnente;
No cani e gatti e mmancu 'na persuna.
Se dice ca a ra luna, 'un chiove mmai
E ca la neglia, è sulu in Inghilterra.
E, si nun chiove, tuni, cumu fai
Mu crisci 'na lattuca, a chilla terra?
Eppure, quannu jisti, tu pisave
dicimu, cientu chili; e mo lu sai
Ca , llà, sii bbinti chili? E te scordave
Ca te vau "granni" li vestiti ch'hai?
Lu sule 'un nesce mmai e mai tramonta;
A ra luna le cose ccussì ssunu,
De l'anni chi tuhai, llà' te cunta
'na tridicina, e cchiù, ppe ogni "unu".
figurate ca ere 'e cinquant'anni
Quannu partisti e jjisti, tu a ra luna
Lu sai ca mo sii cchiù dde siecent'anni?
Ccu cchista età, pue fare tu furtuna?
Dante Raso
Nessun commento:
Posta un commento