Si stassi a mie mu muoru a modu miu
iu me scegliesse la migliore morte;
'na morte duce. A quantu sacciu iu
du Paradisu aprenu le porte.
quantu te staju a dire è propriu veru
si lieji fina a sutta, cumu speru.
Prima de tuttu vuogliu pemmu campu
passatu i novant'anni; chistu, aguru.
la vita è tu lu sai cumu nu lampu
veloce; mo cc'è luce e mo cc'è scuru.
Si quantu dicu pare fisseria
Tu fa' cumu te dicu : Cridi a mia...
Mo viegnu e dicu cumu aju pensatu
mu muoru, s'illu arrivu a novant'anni:
Aju scegliutu mu muoru ammazzatu
da 'nu maritu de trentaquattr'anni.
Ha vistu ca la moglie me vo bene;
m'ammazza mu me caccia de sta pene...
Si a ru 'mpiernu ancore nun c'è postu
aju me suofru supra chista terra
ansina chi fau largu. Ad ogni costu
iu circu non mu muoru, e fazzu guerra.
Si ancunu a mie me vo parrare a forza
le stringu 'u cuollu cumu intra 'na morza...
Mo sugnu all'ottantina; ancora vivu
e dicu iu pecchì nun sugnu muortu;
Migliara sunu i numeri intru 'u crivu;
'u scuotulanu, e dde illi unu nn'è suortu.
Pue diciu: Hanu tiratu chistu a casu
Und'è ru nume de Dantuzzu Rasu...
Dante Raso
Nessun commento:
Posta un commento