Sempre a muollu

 Ah , cchi munnu sciliratu!

e  cchi bbita 'nciuotisciuta!

Mmenu  male ca 'nn'è datu

 De nne fare  'na futtuta!

  Zerti juorni, mi  nne fazzu

Cchiù ca puozzu... Nove, dece...

E ssi forra tuttu cazzu

 Sterra sempre intra 'nu cece!.

A prima pazzia

 Quannu a cumpagna mia, tutta amurusa

' a prima vota me projiu lu mielu

avìa lla capu e ll'anima compusa

sempre cchjù sulu sutta chillu cielu

  Ma pue, cu' m'u mintiu biellu 'ntr'e manu

pensai pensusu, 'a fazzu sta pazzia?

Sugnu fattu ccu' cotracu e pantanu,

ma vuogliu 'na'cuscienza tutta mia;

riscernere iu vuogliu bene e male

puru si 'a sorte mi se 'mbroglia tutta

'u fazzu 'ssu peccatu originale,

basta chi 'e miu sugnu patrune e sutta.

               G. Oliverio

Canto popolare

 Passa nu giuvanottu calabrisi

cu lu su cantu la fici calari;

senza mu paga nissunu turnisi

l'aquila nci catti ntra li mani.

Canto popolare

 Disse la schetta alla  maritatella:

" Cumu facisti quannu fusti zita?"

" A prima botta foze na lanzata

e la sicunna na morta ferita.

Mo chi me sugnu bona assicurata

Ogni botta a mia sazia la vita"

Canto popolare

 La prima vota me   pariu na spata

e la sicunna nu filu de sita,

Canto popolare

 Puttana fatt'apposta

cu' mmia vulij fare a donn'onesta

haju saputu chj ti tocca e t'assista

e alli carnizzi tua nci fannu festa.

Canto popolare.

 Abbasciati bella e pisciami chist'occhiu,

mu ti lu viju, bella, lu piripinnacchiu.

canto popolare.

 Tu  vai riciennu ca nnu m'hai volutu,

allu piattu tua c'haiu mangiatu,

allu giardinu  tua ci sugnu statu:

c'haju fattu chillu chi m'è piaciutu.

Chillu ch'è rimastu  sta varu sbaratu

ci jissi chine vo', ca iu sugnu isciutu.

varu sbarato: cancello aperto.

 

Ijirivulanna

 Ijirivulanna mia, ijirivulanna

si' maritata e nnu m'hai rittu nenti,

e t'ha pigliatu stu varivajannu,

'a notti sta cuttia, nun ti fà nenti.

Si  ti pigliavi a mmia, ijirivulanna

'a notti ti facija lu mbimbirimbì

e lu mbimbirimbò.

Poesia popolare orale

Canto popolare

 Jumenta baja e jumenta murella,

iu fui lu primu chi ti cavarcai,

t'haju misu lu  'mmastu e pue  la sella

ccu nu spirunu r'uoru t'appanzai.

Mo ch'aju rutta la to' pignatella

cu' mangia mangia, ca iu me sazzijai.

 Poesia popolare orale

O giuvanella

 O  giuvanella, chi vue pani fari,

intra u furnillu tua vorra 'nfurnari

nu pani o dua cu su furami mia.

Intra a majilla tua vorr'ampassari

'a pasta tua cu su livatu mia.

  Vincenzo Padula

furami: legno

Mastru Brunu

Non sai quantu mi piacianu
li fimmini cu li zuoccula:
miegghiu assai de li vruoccula
di rapa.

Mo si buoi mu li sai
di capi zzuocculari
Tiresa Barillari
e' numir'unu.

Culu tunnu

A ‘stu munnu,

Vale ssulu...

Culu tunnu!

   Ti nne ridi?

Nun ce cridi?

E ttu piglia

‘Na buttiglia:

Senza culu cchi nne fai?

E’ ‘nnu guai!

L ‘ùagliu funne

e tte cùnne!

  ‘Nu spurtune

sculacchjatu

L‘accattère?

‘U ru vulere

Mancu, criju, rigalatu!

a vecchjaia

Na vota era cani
di pinna e di pilu
e adduvi truvava
mi piacìa u mi 'mpilu.

Mo chi no su
nè di pilu e di pinna
m'abbasta sulu
mu mungiu na minna.


                                  Enotrio

A medicina

Mi sbeniu l'acedhuzzeddu 'nta la caggia
d'a vicina e mm'u fazzu u si rispigghja
jivi u chiamu a Catarina. 'Na bonazza
petturuta chi 'nte manu lu pigghjàu
e 'aceduzzu 'nta du' botti com'azzaru diventau.
                                         Lino  Bulzomi

Culu

Tarallu, pàffiu, stefunu, cifruni
màffaru, chjica, seggiu, grispi, mappi,
farrànchi, gagli, natichi, cuccuni,
fringi, grupèllu, cce, vèrtula, chiappi,
panaru, purverinu, sticchjiarulu,
tafànu, tafanariu, pracchi e culu!
Tutti sti nomi e no 'nc'è u cchiù precisu:
nuju penzau m'u chiama paradisu!
                                  

                                               Enotrio

u riloggiu - l'orologio

- Acconzami u riloggiu, riloggiaru
avi tant'anni chi non cangia l'ura.
- locu no 'nc'è bisognu i conzatura:
faci i sei ' menza e no 'nc'è cchiu riparu.

                                   Enotrio

U dicenu ‘i fimmani vecchi - Così dicono le donne anziane

U  dicenu ‘i fimmani vecchi

Si voi pemmu ‘nci menti la capizza,

mustranci menzu culu a toi maritu,

‘nu sulu pilu di la nigra trizza

E ‘nu minniju di ‘ssu pettu arditu.

Però si ti disia a puntu tali

Ch’è capaci mu arraggia comu ‘u cani

Ricogghiti ch’è ura: aprinci l’ali,

si no cu atri furni fadi pani

Domenico  Burello

(Maierato 1920- 2000)

Scrupuli - Scrupoli

" Cummaré, puozzu trasire?"
" No, ca sugnu culinuda"
" E ppo dd'essere ca nuda
si' ccchiù  mo de l'autra sira?
si a ra casa de Luice
t'aju vista ch'abballave
cumu mammata te fice
e nnun ti nne 'ncaricave,
'ssa vrigogna e 'ssu 'mmarrazzu,
mo, su scrupuli de cazzu! "

  Vittorio Butera

o giuvanella - o giovinetta

O giuvanella, chi vue pani fari,

intra 'u furnillu tua vorra 'nfurnari
nu pani  o dua cu su furami mia.
Intra a majilla tua vorr'ampassari
'a pasta tua cu su livatu mia.
                          Vincenzo Padula