Incendio.

 Incendio a Conflenti.

Dante Raso

Dante Raso poeta (1877 - 1977), nato a Conflenti Superiore e morto a Brooklin

 

un saluto a Graziella Giudice, morta dopo lunga malattia.

 Graziella amava molto Conflenti e il suo progetto era di venirci a vivere in  più periodi dell'anno. Il destino ha deciso diversamente. Aveva frequentato il paese sin dai suoi primi  anni di vita ritornandovi  poi, senza interruzione,  sino all'anno scorso. Dapprima in compagnia dei nonni, poi da sola. L'aveva conosciuto popolato di gente e d'animali; con una realtà diversa da quella attuale: un mondo ricco di contadini e artigiani; con  un modo di vivere completamente differente da quello della grande città e che l'aveva completamente affascinata. Vivere all'aria aperta la rendeva felice e, da piccola, passava ore interminabili a giocare con parenti e amici. Del paese amava tutto: i silenzi, i rumori, la gente, le vie, le case, la cucina e le piaceva, come in un mondo di  fiabe, inoltrarsi nelle sue vinelle.   Ne  conosceva bene le campagne e vi ritornava spesso.

La sua simpatia le permetteva di creare solidi legami con la gente del luogo e certamente lascia un buon ricordo nelle persone che l'hanno conosciuta.

 

A Nicola Marotta (mio nipote carissimo) con affetto.

  Tra tutti i miei nipoti ve n'è uno

Ch'è caro e buono quanto l'oro stesso.

Tutti gli altri, uniti, ciascheduno

Soni i seguenti:- nomi uditi spesso-;

 Bartolomeo. Panfilo e poi Durante

Procopio, Serafino ed altri ancora.

Antonio era mio padre -un buon mercante -

E, Dante. sono io che vivo ognora.

Or vengo col  gioiello dei nipoti:

Marotta Nicolino è il suo nome.

Son troppe numerose le sue doti;

Resta saper: Marotta è il suo cognome!...

La mugliere fauza

 'Na mugliere si vo bene a ru maritu

iu criju nun fa mai 'a scustumata.

Si è fauza le vene ru 'ngnuritu

mu fadi certe cose all'ammucciata.

N'esempiu te lu  dugnu a sta quartina 

chi circu mu la scrivu siparata:

Si quannu tu te lievi la matina

nun truovi la cammisa ch'è stirata;

Si truovi li quazietti spurtusati,

a na ripata  'e scarpe l'ha jettate;

 'a giacca e ru cappiellu  ammuzzelliati

e re chianelle nun l'ha priparate;

 Si dice: Nun me fiju mu me lievu

ca tiegnu 'nu dulure a 'nu rugnune

e punge tantu forte e pue fa pieju

Si te cucinu ppe ra colazione.

Si te dice: va a ra trattoria

mu mangi a menzijuornu e, ppe domane

 tu pue mangiare duve mamma mia,

caiu m'arrangiu ccu 'nu muorzu 'e pane.

Frattantu, tu lavuri 'na simana,

e sa puorti a paga quannu vieni,

la truovi cch'è sanata  la ruffiana

te ride e tu le dici: bella, tieni

la paga ch'haju fattu fatigannu

ca vasta mu te cumperi 'na vesta

e puru mu mangiamu, senza affannu,

si chiove o jazza o puru fa timpesta.

de sti muglieri ci nne sunu tante,

mariti cumu chistu, puru assai,

e ri muglieri chi su cumu sante:

su pocu chilli chi nun tienu guai...

Note 

 fauza: falsa muorzu : pezzo 'ngnuritu: prurito

 all'ammucciata: di nascosto fatigannu: lavorando Jazza: nevica     ammuzzelliati: ammonticchiati

' A vedova bona

Aju 'nu piccirillu, e de mangiare

Nun tiegnu mancu pane de jermana

 Ed' iu na poverella, cch'haju 'e fare? 

Lu patre è muortu mo fa 'na simana!...

Aspiettu mu stu figliu se fa gruossu

Mu vadi a fatigare a 'ncuna rasa.

'Ntramente, 'ud'amu mancu 'nu mastruossu;

Miseria, e nente d'autru, intra la casa!

- Coruzzu, nun ciangire statte citu

Ca ccu ssu chiantu tu me rumpi 'u core

Sii piccirillu, ma sii benedittu,

E mammata, è 'ncamata, m'ha l'onore!...

Mo vaju ppe due frasche o dui siccuni

Mu ne scarfamu e, dopu, ppe mangiare

Viju  s'abbuscu  nu panaru 'e pruni

O due castagne 'e chille rusellare.

Me su ricota ccu ri piedi rutti

 Ca scarpe nun ne tiegnu, oh mamma mia!

Cumu campamu sulu ccu dui frutti;

De lu pititu simu all'agunia!...

Ppe r'affittu, me 'mpiegnu lu mannile,

Ca nun vuogliu 'mpignare 'a fide d'oru

E ppe abitare dintra stu porcile

 Aju 'e pagare quasi 'nu trisoru!

 

jermana: segale  a 'ncuna rasa: da qualche parte   ciangire: piangere  'ncamata: affamata coruzzu: cuore mio pruni: prugne me su ricota: sono rientrata

scarfare: riscaldare abbuscare: trovare campamu: viviamo pititu: appetito  dintra: dentro

Parassitismo (acrostico)

  Persona poco grata è un parassita

Adulto -vera carne da cannone -

 Ricorre a mezzi loschi e la sua vita

 Alimenta con l'altrui pane ogni boccone.

Sottaniere disgustoso qual serpente;

Sordo sempre ai consigli d'un esperto;

Insolente, ributtante e, certamente

Tragica fine aspetta ed egli è certo 

Impara lacgrimando, questo vile

Sorride con disprezzo, falsamente,

Ma quando vien scoperto fa l'umile!

Orribile è quest'essere demente.

I pagani

Aviamu malandrini a ru paise

 Chi lu cugnume eradi Pagani:

 Vicienzu, 'Ntoni e Cciccu, mancu i cani, 

Terrurizzatu  avianu ogni furise,

Li paisani e ppuru 'i furistieri!

E, tutt'i tri, scarpari de mestieri!

 'Nu juornu, Ciccu, 'e pressa  sinne jiu

Ccu l'uocchi abbuffazzati 'e cazzottuni.

- Vicienzu e 'ntoni: Diesti buffettuni?

-  No ! rispunniu Ciccu - l'appi iu!

- Vicienzu: Diceme  chine t'ha scaffijatu

Ed iu me mangiu 'u core de stu 'ngratu!

Allura Ciccu, spega cum'è statu:

- E' statu don Frangiscu- lu riccune -

Cumu sapiti, sa ca su' cafune

E, quannu passu vodi salutatu!

- e  tu sbrigagnatune, 'u salutasti?

Hai tuortu e perciò chi tu abbuscasti!

Furise: straniero scarparu:calzolaio scaffijatu: schiaffeggiato 

Sbrigagnatune: svergognato.  abbuscare: prendere botte.

Le cose buone e belle

 De stu munnu le cose cchiù belle

Sunu 4 si cridi o nun cridi.

 Si cce cridi te dicu le  "stelle"

 Chi cchiù lucenu e, quasi, le bbidi.

 La cchiù bbona de tutte è SALUTE;

 senza  'e chista lu riestu 'u' dd'è nnente:

- Me l'hau dittu  persune volute,

Ed iu vuogliu mu lu tieni  'mmente.

La "sicunna", cchiù bella è ra DONNA;

 Senza chista nessunu è a ru munnu!

Nun cc'è unu  chi 'e notte nun sonna,

E, sinnò, si te suonni  'u' dd'è ssuonnu!

 ?Nquantu 'a terza, edi bella  daveru;

Sulu 'a donna avimu chi 'a passa.

u scommettu, e cchistu lu speru

Ca, ccu mmie, aju tutta la "massa"!

 Sunu i JURI, ca tutti lu sau;

 Cchi culuri; ch'adduru olezzante;

Cchi bellizza e bbiduta chi fau,

Mo iu criju ca chistu è bastante...

Ppe ru riestu,  'a quarta è DINARU;

Senza 'e chistu tu sii disperatu.

Chista rrobba è chi fadi l'avaru!

Tuttu 'u riestu è nu trunzu gelatu!...

note:

lucenu : brillano adduru: odore trunzu: torsolo

Compleanno

 Avevo vent'anni ed era solo ieri, con tanti sogni e speranze nel mio cuore, poi gli anni son passati come un lampo, finiti i sogni ed anche le speranze,  vivo sol di ricordi e di rimpianti.

La castagna

 'A castagna, 'nu fruttu prelibatu,

De ste manere tu la pue mangiare.

 ' Nu modu è quannu 'a corchia hai cacciatu,

T'ha mangi CRUDA - senza cocinare.

Lu sicunnu: La  castagna è sapurita

Quannu la mangi dopu ch'è 'MPURNATA,

Allora ccu ru vinu edi squisita

E te pue ricrijare 'na sirata.

La terza: s'è pilata e macinata

E d' 'a farina PANE tu n'hai fattu, 

Cce scummettu ca tu fai 'na scialata;

Lu sue sapure te venire mattu...

Quartu: vai 'mparadisu s'è  BULLUTA

 Lu quintu modu, è quann'è  PPILATA

Lu sestu, è quannu tuni l'hai ARRUSTUTA,

Mo assettate e fattinne 'na mangiata

Note:

 corchia: buccia   'mpurnata;:infornata scialata: divertimento

assettate: siediti.

'U patrune e ru gelunaru.

 Aviadi, stu patrune, 'nu palazzu

Cumu 'na meraviglia ppe bellizza.

Portava  nnu signale a  nnnu vrazzu 

Ca 'u patre l'ammazzaru intra 'na lizza!

E quannu caminavad' a ra chjazza

Ogn'unu le usava gentilizza,

E, ppe bastune, usavadi 'na mazza

Mustrannu. ccu ra forza, la "grannizza"! ...

Li ricchi, ognunu sa,  sunu 'na razza

Ch ppe nessunu mustra tenerizza.

 Ognunu ppe ru riccu, va e s'ammazza

Ca cride c'hadi  fattu 'na prodizza...

 Lu gelunaru, ru, ppe nu "piezzu"

 S'ha ruttu schina, piedi, gamme e bbrazza

E aru liettu sue, ha ppe ccapizzu

'Na massa cummegliata - 'na timpazza...

- Mo nun me fidu cchiù pemmu "m'ammazzu"

Ppe ttie.  Iu su' chjinu de sporchizza

Mentre chi tuni stai intr'u palazzu,

Ed iu, 'na turra chjina de munnizza!...

Si tu vue fare "u riccu" usa 'e vrazza 

Cumu zappavi iu - de picciulizza -

Invece mu a re mani puorti 'a mazza,

Allordale 'e sudure e dde stanchizza!...

vrazzu: braccio gelunaru: colono sporchizza: sporcizia

monnizza : mondezza

Allordale: sporcale