Donna Amalia
'N Paradisu mù si trova!
Quantu beni ha siminàtu!
Ppìmmu 'n'a riscurdamu...è 'nu piccàtu.
'Mpena a chjàmava curria!
S'incruccava llu spòrvaru e partìa,
ccu ciùcci, bricichètti e ccu doròti,
a ppèdi, nivicàndu, quantu vòti!
Nd'ha varcàtu trèmpi e vallùni,
'a tùfha 'un s"a scurdàva, era 'nu masculùni!
Chisà quantu fhìmmini ha ffattu sgravàri!
Quantu stilli c'è 'n cìalu, si pùanu cuntàri?
Senza tinàgli e curtìalli arruzàti, tirava lli criatùri 'ntr"e cirmìalli, ...cumu patàti!
E ppùru a Ili tri jùarni èranu sani... Jìanu a llu jùmmi o 'mpastàvanu 'u pani.
Cci ndi prujìanu vacìli scurciàti, pannìzzi e fassalùari 'ngallicàti!
Ma donna Pòpa 'un dissi mai nènti, ppircchì capiscìa llu bisùagnu d"a genti.
Fhù 'na mammà amurusa, caritatèvuli....pacinzziùs
All'ùrtimu cchi nd'ebbi?
'Na smiraglièlla d'òru!
'Mbèci si, ammiritàva 'nu trisòru..
Salvatore Borelli
Nessun commento:
Posta un commento