In ottant'anni, di noto nulla feci,
Amai la mia consorte
e sette figli ebbimo
e sempre lavorai per l'esistenza
acciò sani crescessero i miei figli.
D'un tratto un bel giorno un grosso ipodermico
scaraventato bene
della gentile Musa,
dimenicar mi fece
ogn'altra cosa tanto
che solo vidi versi ...
e versi assai ho scritto,
I miei sogni presto s'avveravano
quando alla luce venne
" SUONNI ABBERATI" - Amen.
Dante Raso
Avissi fattu, mai tu sporcacciune,
N'uovu de sta manera jancu e gruossu?
Tu sii 'nu puorcu grassu assai mangiune;
Iu mangiu pocu, ma cacu stu mastruossu!
- _ Si iu potesse currere bastante -
Disse ru puorcu a ra bella gallina,
Iu t'acchiappassi - unita a tuttequante -
E bbe spinnassi tutte a 'na matina!
- Tu piglia n'uovo disse ra pullastra
Si sii malatu, sani prestamente,
Invece, tu 'mpicatu a ra camastra
t'hau dde lavare ccu l'acqua vullente!
Macare ca lu puorcu era 'mpicatu
Se gira e disse a ra bella gallina:
" Cce vodi lardu a l'uovu cucinatu,
'Na fella 'e carne 'e puorcu ogni matina.
' Nu piezzu de prisuttu preparatu
'Na fella e capiccuollu ccu faggioli,
'Na suppressata, e puru 'nu stufatu,
Ccu bbinu de cinqu'anni, e ravioli
Sazizza ccu ru forte, dui curracchi,
Sazizza ccu ru forte, dui citruoli;
'Nu pocu 'e logna 'e lavra tu te smacchi;
A carne 'e puorcu è meglia 'e tu chi voli!
Dante Raso
' Na pignata vicinu a ru fuocu,
Ccu ssurache de intra, cocia
'Ntieri 'a vampa ch'ha fattu lu cuocu;
A ra rasa, 'na gatta dormia.
Supra lu tribbitu 'nu quadariellu
chi stufava 'a carne d'agniellu.
'Nu granne furnu ppe' cce 'mpurnare
'U pane ch'era dintra 'a majilla.
Cce voze assai ppe ru potire "fare"
Ca, a levatina, era n'ugnilla.
Ma mo ch'è fattu nue lu scanamu
pue 'u 'mpurnamu e nn'u mangiamu.
Cchiù chiravia c'era n'armigiu
E, supra chistu, cc'è ru varrile
Chi ha ri circhi pittati grigiu
Cumu la porta de lu porcile.
Intr 'u varrile acqua 'e Trazzinu
Ppe tutti i figli; ppe Tata: Vinu!
Tri o quattru seggie mise a ra destra;
- Tutte 'mpagliate ccu bbudda fina.
Una stavia 'ntieri a ra finestra
E, l'autre tri, intra 'a cucina,
Supra i tijilli li ceramili
Chi ogned'unu pisa ddui chili...
L'astracu edi mattune russu
Chi l'adi fattu lu Tata miu.
Nun c'edi nente veru de lussu
Ca tantu n'adi mannatu Diu.
Mo, tata è muortu, illa nun cc'e nullu,
Percù me fiermu e mintu lu " BULLU" !
Dante Raso
' Nu cuocciu de simente - pare ssicca -
Ma cc'è nnu mezzu e lu fa germogliare
Faciennu 'nu vermuzzu chi se 'ncricca,
E mmangia appena appena ppe campare.
Cce dunaanu, ppe pastu, pampinelle
De cìuzu, spitazzate minutille
Quantu 'nu murzariellu 'e tagliarelle
Ppecchì, hau re vuccuzze piccirille.
ma, chjanu chjanu 'ngrossanu bastante
Chi a sti viernm nun le vasta nnente.
Cinquanta juorni e cchiù, sempre costante.
Nun mangianu nent'atru e, sulamente
ccu pampine de cìuzu 'u bacu crisce.
Nne mangia ttantu senza chi cc'è cuntu;
Mangia, mangia e mangia e mai finisce
Si nun arriva a chillu certu puntu.
Se dice - ma è bberu - ca se mangia
Ottantamila vote lu sue pisu
De pmpine de cìuzu, quannu cangia
E 'ncigna a ffare 'u bozzulu. Suspisu
Supra 'na frasca - saglienu illi stessi -
Sti bachi incomincianu a ffilare
' A sita 'ntuarnu attuiarnu e , indefessi
Filanu, filanu e fermanu 'e mangiare.
Dante Raso
Un millennio si sciuperebbe invano
In cancellare Frano Berardelli;
La Via, in suo onore, in Martirano;
Tutti i suoi Poemi - veri gioielli -
Indelebile un ricordo: Uomo urbano
Riconoscente più che suoi fratelli
- Credetti della Bibbia o del Corano -
E amava sia le bestie che gli uccelli...
Io sono il possessor d'un solo brano
Dei poemi ch'Egli scrisse. Così belli
Tanto che par mi stringono la mano.
- Rivolgo una preghiera a tutti quelli
Che il nostro Franco adoran da lontano:
" Preghiamo Dio pel gran Poeta Umano!
Dante Raso
La Madonna di Visora
(che si celebra in Conflenti l'ultima domenica di Agosto.
Alla cara cugina Jannie Marotta.)
La Vergine Madonna di Visora
La più bella.la più miracolosa,
L'Italia tutta questa Madonna adora
E la Calabria e Conflenti è orgogliosa.
In agosto si celebra la festa
E pel paese, questo è un grande evento.
Tra la folla mai si vede faccia mesta;
Il popolo festeggia ed è contento.
A destra e a manca della gran piazza,
Vendolieri che vi offrono fritture;
Melanzane imbottite, e chi schiamazza
Per il cacio con i vermi, le verdure;
Uve, ciliegie. fichi e pur granati,
Confetti. pasticciotti, cavallucci;
Spumoni ed oggetti profumati
Per le ragazze che pieni hanno gli astucci.
Sul secolare albero la banda,
Che suona melodie armoniose.
I fuochi pirotecnici che mandan
Splendori nelle notti gloriose.
Brooklyn NY
Febbraio 5, 1960 Dante Raso
(In ricorrenza del World Poetry Day)
Non debbo dire "No" al mio pensiero
Quando mi suggerisce a dir qualcosa
Di Franco Berardelli - il nuovo Oméro" -
Compianto gran poeta, or che riposa...
" Era Grande quando ancora sul primévo
Della vita e, a passi lunghi, era salito
Sull'Apice e i poeti del Medioevo,
Lui, abbagliava con talento inaudito...
Ma, la morte, più potente e assai gelosa,
Credette di troncar tanto talento
Togliendo al mondo la più gloriosa
E giovine persona, in un momento!...
La morte vinse, ma Franco Berardelli
E' nel cuor di tutto il mondo che l'adora,
e perenne, sulla tomba son gli uccelli
Che solfeggian i suoi versi ogn'Aurora!...
Brooklin, N. Y.
Ottobre 15, 1959 Dante Raso
Da quando tu passasti all'altra vita
Rosina mia adorata, mio tesoro
Restai ferito e cerco chi m'addita
La via che puà condurmi a te che adoro.
Sono molto vecchio e già cammino a stento,
Con ogni passo a Te io m'avvicino:
Poichè il mio cammino è molto lento
Io dubito arrivare al domattino...
Tant'anni son passati da quel giorno:
Dal luogo dove tu sei sotterrata
So ben che non farai più ritorno,
Povera mogliettina sfortunata!
Ma appena avrò il biglietto di partenza
Io mi presenterò senza tardare
Dove tu sei cogli angeli in presenza,
Al mondo senza Te non voglio stare!
Dante Raso
'Na chjanta de cardune assulicchiava,
tra tante specie d'erve a 'nu spinaru,
Criscia ccu l'acqua sula intra 'na cava
chi cce sbattia ru sule a cielu chiaru.
E nasciu senza aiutu, stu cardune,
L'affari sue faci senza jatare,
Intra sta cava, quasi 'nu vallune,
Nessunu, llà cce jia ppe ru tagliare!...
Ma,eccu, jiennu a caccia, 'nu barune
T'abbista, proprio llà, 'nu gran fagianu,
S'ammira, sbatte e cade a ru cardune
E ru scamacchia tuttu sanu sanu...
Levatuse, l'affrittu, 'nsanguinatu
Ca puru 'u ruviettu e ru cardune
L'avianu tuttuquantu straguisatu
Chiamava ajutu, e curre a ru garzune
Chi era servu a chistu cacciature
E, cumu 'u vide, scacca 'na risata
E disse tuttu chinu de russure:
la faccia aviti tutta raschijata?
- Lu sacciu, rispunniu ru disgraziatu:
Mirai ppe nu fagianu chi scappau,
E catti ppe d'avire attroppicatu
E ri cardune tuttu me rascau...
Dante Raso
Cardune: cardo assulicchiare: prendere il sole
ruviettu: rovo attroppicare: inciampare
rascare: graffiare scamacchiare: schiacciare
'Na parte de lu puorcu è ru prisuttu,
e n'autra parte bbona è puru 'a logna
N'atra parte ch'è bbona è puru 'a logna,
e n'atra parte ch'è bbona cchiù de tuttu
è chilla chi tutti chiamanu 'a 'nzogna.
Lassamnu tutt'e cose cumu sunu
e parramu de chillu chi 'nteressa.
Lu puorcu ogni annu se l'ammazza ognunu
e ogni parte sa tutta la stessa.
Mo viegnu iu e dicu, nun è bberu:
- Tu piglia lu prisuttu de la destra
e truovi ca è cchiù tuostu - chistu è bberu.
Lu puorcu "rasca" ccu ra gamma destra
Faciennu, a lu prisuttu, niervi assai;
ccu ra sinistra nun se rasca MAI.
Dante Raso
La donna, si nun ride ha 'na ragiune,
vo dire ca illa tene fauzi i dienti.
Si ride senza nulla suggezzione
Vo dire ca vo vasi cocenti.
Si chiange, pue è tuttu differente;
Vo dire c'hadi tuortu e vo ragiune
E, si 'u maritu è ciucciu veramente,
La vasa, ed finuta la questione.
Dante Raso
Aju vidutu ca quannu unu more
Cce portamu carriate 'e belli juri
E na vota haju vistu, 'iu dicu ancore
'Nu muortu c'annasca a tanti adduri...
Ccu tuttu ch'ha ra vita già 'nchiatrata,
sti juri le fau fare 'na risata...
Si chistu è bberu me dati ragiune
Quannu unu more va a ru campusantu.
"Ppecchì nun puorti 'e rose 'nu chiantune"
Cce 'u chianti supra 'a cascia, e basta tantu!..
Chista pensata è megliu 'e 'na carriata
'E juri supra 'a cascia sutterrata!...
Mo, quannu muoru iu, sugnu filice
Ca li parienti mie sunu pezzente
Ppe mie no' c'è ritrattu intra 'a cornice;
E ppe ru funerale nun c'è nente.
No carriate 'e juri supra 'a fossa,
Nun su' capace de fare 'na mossa!...
Quannu unu è muortu 'un le serve nente;
Su' chiacchjarate 'i juri o cascia 'e lussu.
Quannu si' bbiecchiu va " tenutu mmente"
'mbece mu se stuorticanu 'u mussu...
Ognunu avesse d'essere capace
Mu lassa ppemmu 'u muortu "more" 'mpace!...
Dante Raso
annascare: fiutare
carrata; un carro pieno.
O vajanella, o cuocciu de lupini,
Sempre chi scrivu nun te dicu nente
Ppecchì mo sugnu stufu de la gente
E, specialmente, de li mie vicini.
De quannu te canusciu tu lu sai
Ca t'haju scrittu puru belle cose,
Ca mancu certe littere amuruse
Appattanu le mie chi te mannai...
Ma 'nu pensieru strambu a mie me dice
C'haju de supportare 'nu dulure
Su nun scrivu 'na littera a Filice.
E mo chi scrivu, dicu a Sarvature
Mu scrive a chilli chi le sunu amici
Ca, senza sue notizie su' 'mpelici...
Dante Raso
Ognunu sa chin'edi chista strega;
è 'n'aggelluzzu vacabunnu assai.
Fa l'ova e, dopu, nun fallisce mai;
'e fa cuvare a l'autri, e sinne frega...
Avimu, tra nue autri, tanta gente
chi fau cumu 'u cuculu veramente.
Canusciu, iu, n'amica scustumata
che quannu ha site dice a ra vicina:
. Avissivu acqua frisca stamatina
Ca 'a mia, s'è tutta quanta quadijata?
Se 'ncrisce pemmu vadi a ra funtana
Ppecchì è na vacabunna ed è 'na scarana...
Canusciu, de ssa gente, 'na varcata
chi quasi su' lu stessu d' 'u cuculu,
Ma iu , tra tanti, criju sugnu sulu
Ca le canusciu priestu; a 'na guardata.
Ppe nummu me dilungu cca finisciu
Ca veramente iu puru me RINCRISCIU...
Dante Raso
Nun sacciu si lu sai ma chistu è bberu
Quantu te dicu de lu tapinaru,
Ppecchì a ra scola chistu m'insegnaru
e vuogliu mu m'ascuorti; armenu speru.
Ogn'unu penza ca chistu è cecatu;
imbece tene l'uocchi a crozza e spillu,
E pasce e crisce ccu 'nu vermiciellu.
o certi frusculicchi chi ha trovatu.
Quant'illu scava 'ntra na sula notte
N'uominu dive scavare trenta miglia;
lu tapinaru pare ch'è cchiù forte
E quannu chiove o jazza mai se ferma
Mu scava chianticelle ch'hai chiantatu
e se ferma sulu quannu s'è 'njornatu.
Dante Raso
Note:
tapinaru: talpa
Frusculicchi: piccoli insetti
Jazza: nevica.
Dante Raso
Haju tenutu sempre riservata
'Na tagliolella ppe ri suricielli
Ca ad ogne stanza chi me su' affittata
Haju trovatu sempre, unu 'e chilli.
'Na sira, quantu appena era curcatu
Unu de chisti zumpa supra 'u liettu
E, tantu era feroce ed arrabbiatu
Chi me zumpau de botta supra 'u piettu.
Cumu haju dittu, avia 'na tagliolella
L'armai e supra 'a tavula 'a posai.
Doppu 'nu pocu sientu 'a botticella
chi fice ra tagliola, e ru "piscai".
Lu suriciellu tantu scustumatu
Chi quannu fuje, mancu 'a gatta 'u sente
Ma va rispiglia a unu ch'e stancatu
Circa li scrusci cchiù nun mu li sente...
Dante Raso
Note: zumpare: saltare
Domani vaju a Guglia
'U luni ammaccu 'u linu
me vasciu la fadiglia
me mintu 'u mantesinu.
'U marti la lissia;
lu puortu 'lla, a ru jume;
Me dicu 'a litania
de Diu priegu lu nume.
'U miercuri dijunu
ca de mangiare 'un tiegnu;
Me mangiu quarche prunu,
d'a chiesa vaju e bbiegnu.
'U juovi fazzu festa;
me vuogliu riposare
e doppu, cangiu vesta
ca a luttu un vuogliu stare...
Mo chi Nicola è muortu
iu me maritu 'e friscu
e si lu luttu puortu
iu pierdu a don Franciscu.
Lu vennari campiju
de la finestra, e cusu,
'u Sabbatu, si 'u viju
L'amure miu me spusu.
Dante Raso
De juornu zappu sempre l'uorticiellu,
De lu vurvinu scippu 'a chianticella,
Ccu ru pirune fazzu 'u pertusillu,
E ri suduri stuju a ra fadella.
Pue ficcu a ru pertusillu 'a milngiana,
'U pimaduoru chiantu 'ppe 'nsalata
E pue, doppu chiantata, d'a funtana
Fazzu a lu surcu d'acqua 'na passata.
Tramente, abbicinatu è menzijuornu;
'nu pocu 'e fame sientu, e, già stancatu,
'nu muorzu 'e pane tuostu, 'e dopu tuornu
mu chiantu autre cosuzze a 'ru 'nzurcatu.
Lattuche, pimaduori, milangiane,
li piparuoli, verze e pastinache,
canili, pisilli, chiantu le vajane
chi fau de la regina le surache...
E dopu chi crisciutu a tuttu cose
si vinnu pozz'iu pocu me 'mporta
ppecchì, cogliennu juri e mazzi 'e rose,
d'adduru campu ccu ra mia consorte...
e poi a l'atunnu cuogliu le castagne,
pemmu 'e 'mpuornu o fazzu 'e ruselle;
me fazzu caminate a re campagne
e passu 'u tiempu a re jornate belle.
Dante Raso
Note:
vurvinu: semenzaio pirune:piolo campu: vivo
'mpuornu: inforno ruselle: caldarroste. piparuoli: peperoni
pertusillu: buco.
'u casciune edi na cascia granne assai
ed hai d'avire puza de gigante
Mu azi la chiudenna, quannu vai
Mu pigli, o mu cce minti, s'è bacante.
Iu me ricuardu, quannu lu chiudiamu,
Sbattia chi tu sentie 'na cannunata.
Stipatu tuttucose cce teniamu:
Mustazzuoli de mele, 'na furnata.
Nuci, castagne; assai ficu siccate
Surache e ri turduni ppe 'mpilare;
Capicolla, prisutti e ssuppressate
E casu tuostu, buonu ppe grattare...
Lu granu, lu nnianu; cose duce
Ppe Natale, o ppe ghjuorni ricordati;
Le ficu chjne 'e nuci - mise a cruce -
Spizzicaturi, buoni ppe malati...
Dante Raso
