VENTU FHIUFHJA A CATANZARU!
Mi ricogghju staiu sparu,
mi volàu puru u cappeddhu,
mi nda futtu tornu arretu.
-----*------
Ma on è ca mi ricordu,
na giornata carma carma,
catanzaru on c’èsta jiornu,
cchi u ventu on t’azzanna.
-----*------
Tu camini on ti t’accorgi
Che capiddhi ti volare,
Tu l’aggiusti i minti a postu
Torna ‘u ventu " si spostaru" !
-----*------
Tu t’acconzi e prescia e prescia,
Passi e fuji strati e vicu,
Trasa ‘u ventu dintra i cazi
Ti congela lu viddhicu.
Mo e l’occhju on bbiu bbonu,
Na famazza mi trasìu
E ppe chissu ncazzunitu
Giru e votu ddha nto vicu.
-----*------
Ca mi passa a lacrimeddha,
l’occhj russi ciangiulini
vijiu stiddhi on vi scantati,
sugnu sulu " ccchi casinu" !?
-----*------
Fhufhia’ u ventu a Catanzaru,
carti e fogghj su nta l’aria,
vola u pannu ddha ampratu,
vola a tenda do mercatu.
-----*------
Fufhia’ u ventu a Catanzaru,
ogne jiornu mi ricordu,
e n’amicu ccussi caru
" comu u ventu a Catanzaru" !
Mimmo Badolato |
Nessun commento:
Posta un commento