Guagliuni

’nto’ te ricuordi quann’eramu guagliuni

E jiamu curriannu  sti cavuni cavuni

Scauzi, luardi, sciancati

Pariamu dui dannati

L’orta appenninu, faciamu na cisina

E supra l’arvuli, sagliamu a re curina;

Quante fuiute, quant' arruzzuluni

Secutannu licerte e curzuni;

Quante mazzate

avimu date e pigliate;

E a re pagliare

Quanti vasuni  dati a re quatrare.

Mo tuttu è passatu,

Però chi bellu, ca stu tiempu c’è statu!

                           Antonio Coltellaro

Glossario:

orta appenninu: giù per gli orti  - arvuli: alberi - curina: cime - secutannu: inseguendo- licerte: lucertole -curzuni: serpenti - mazzate: botte -  pagliare: pagliai, capanne - vasuni : baci quatrare- ragazze