Na vota a ru paise, a ra
scinnuta d'a madonna u
ritu, c'era
na vecchiareddra chi, fusu e cunucchia, stavia tutta a jornata avanti
a porta. Quannu passava, me chiamava e me dicìa; vieni figliuma ca
te dugnu ncuna cosa, e me gabbava sempre: n'uovu friscu, nu
mastazzuolu o nu rappu d'uva.
E mentre mangiava me dicia: nannata cumu sta? Nue ne simu sempre volute
bene. Salutamila e dicce pemmu ncuna vota me vene a trovare.
Quanta
fatica avimu fattu nzieme! Jiamu a pigliare frasche a riventinu;
jiamu a vinnire ciste a ru Savutu.
E
parrava, parrava, parrava. Iu un vidia l'ura pemmu mi nne jia, ma me
paria bruttu e ra stavia sentire.
Sta
vecchiareddra se chiamava Rafeluzza.
Nessun commento:
Posta un commento