Festa in famiglia.
Svolgimento.
O mestru,
veramente vere feste
dintra la casa mia
nu’ nn’haju avutu,
nu sulu fattu ‘n
mmente mi cci reste
ca d’u cervìeddru
ancora ‘un ssi nn’è gghjùtu
Eccu ‘a famiglia
mia cum'è ffurmata:
de mie, pàtrimma e
mmamma e de due sùeru,
Carmela è
casalinga e s’e scpusata,
Tiresa è schetta e
d’è ‘mpiegata ‘e rùelu.
Stamu pregannu
tutti chi sa coglie
mu la Madonna
sciùnne li scparìgli,
e mmanne d’a
Carmela tante doglie
ca de vintt’anni ‘un
po' d’avire figli.
A nnui si cc’è
juncciùta na vicina
ca de na vita fa
d’a sacristana,
parrannu ccu ‘a
Madonna da Catina,
ha dditttu cala
grazia ‘u’ d'è lluntana.
Si vide c’a
Madonna è ccumppunnùta
ccu ssùerma ‘a
picciriddra s’è ‘mbrugliàta,
ppecchì a Tiresa ‘a
grazia l’è ccugliùta
e dde Carmela si
nn’è rriscurdata.
Chine si la cridìe
sa granne festa
ara ‘ntresata
dintra ‘a casa mia!
chiddra senza
maritu e ttantu unesta
è zzimmuddràta
dintr’ ‘a porcheria.
Quann’ha ssaputu
mamma da la pena
de lanche d'ìertu
tutta s’e rrascata;
Tiresa ch’ere
schetta moni è pprena,
e nn'è rrimasta
strippa ‘a maritata.
Poesia di Giovambattista Amendola (Nocera Terinese)
dal blog "nonsolopiante
Nessun commento:
Posta un commento