Dialetto cosentino

La Cunneide di Domenico Piro (Donnu Pantu) Aprigliano 1664 -1696

----------------------------------------
----------------------------------------
Cattive, maritate e schette io pigliu,
'ncamate, ricche, nuobili e frabutte,
e giuvinelle, vecchie, belle e brutte, cuòmu nu nigliu.
La nìvura, la brutta me cunforta,
la janca ccu la russa me 'nnamura
e tante vote me minte 'nnavannura la faccie smorta.
L'àuta, la vascia, la macra, la grassa,
la pietti sicca ccu la minnicuta,
la culi stritta, la cularinùta st'anima passa.





St'anima passa e lu core me 'nchiaga
la dissapita ccu la graziusa,
e la mudesta e la murriculusa tuttu m'ammaga.

A mie fa fare due parmi de mazza
la calvinista ccu la luterana,
l'ebrea, la mora, ccu la maumettana ed ogni razza.

'Ncipullu forte e fortemente arrittu
ccu cchi l'ha svanu e ccu chi l'ha pilusu,
ccu chi l'ha 'nzaccanatu lu pertusu o largu o strittu.
---------------------------------------------
---------------------------------------------