'U capu-pilatu di Dante Raso

 

 Haju nu figliu ch'è capu-pilatu

Ca tutti i capilli hadi perdutu

 E ddice; Patre, iu sugnu scunsulatu

 Ca lu miu craniu è tuttu scuverutu... 

Mo piensu ca, Tu viecchju, 'u' d'hai cchiù nente

 E, sulu sulu, a mmie hai sulamente. 

 

- Figliu, miu caru, nun ce curpa Diu

 Si lu tue craniu è tuttu scummegliatu.

Tu, certu, piensi 'u cumu "fazzu iu "

'Mo viecchiu tuttu qunantu stroppiatu.

Fina chi muoru, iu, haiu chi mangiare;

E' l'ansietà chi t'ha fattu spinnare! 

 

 Ma mo chi sai ca nun me srve nnente,

Scummettu, figliu caru, ca, a nu mise,

A ssa crozza cce pue fare 'u permanente;

 Senza chi cce mintimu, nue, scummise.

Spinnasti ca sapie ca havie de dare

A 'nu patre, 'ncuna cosa de mangiare!... 

 

 

Note: 

capu pilatu: calvo 

capilli: capelli scuverutu: scoperto 

Scummegliatu: scoperto

crozza: testa