Alimentari generi vinnia
'Stu putigaru ch'era assai 'nsistente
E quannu 'nu cliente lladi jia.
'Stu putigaru era assai 'nsolente.
'Na fimminella è jjuta a fare 'a spisa:
-Nu pane e nu chilu 'e maccaruni;
L'amidu pemmu stiru nla cammisa
E chistu è tuttu!...E ...puru dui turruni.
- Te serve pimadoru, li pisilli.
Faggiuoli, le lenticchie, cereale;
Butirru, latte, casu; li fusilli...
- Scostumatu! 'U' bbuogliu nente! Animale!
'Na cliente 'u' bbo stonata. Quannu è jjuta
Mu cumpra tuttu ciò chi domannau,
' Stu putigaru ad illa 'u' lla servuta
E disgustata, nente se cumprau!
Dante Raso
Note:
vinnia : vendeva putigaru: negoziante.
casu: formaggio
Nessun commento:
Posta un commento