Na sira 'e viernu cu acqua, trona e lampi
na vurpe intra na tana circa scampu,
pue arriva 'nu rizzu tuttu spaventatu
chi dice: famme trasire ca me mintu a 'nu latu.
Sugnu picciulu, fastidiu 'un tinne dugnu,
e, si tu vue, a n'angulu me 'ncugnu.
A vurpe accetta e fa trasire 'u rizzu
chi, lestu lestu, se ricoglie a nu pizzu,
pue, chianu chianu, se vota e se rivota
e cu re spine punge chiù de 'na vota.
A vurpe dice: si' propriu nu nimale,
'un vidi ca si te giri me fai male ?
Rispunne u rizzu: si bona tu nun stai
miegliu ca niesci fore e tinne vai.
Antonio Coltellaro
Nessun commento:
Posta un commento