'Na cuollu- longa- 'nu palu 'e vigna pare -
Tantu edi macra, brutta ed è siccata.
Portadi 'na parucca, e re magare
Sunu cchiù belle, tantu è transcurata.
Chi vue chi guarda 'na gatta vera ciota
Qual'è Carmela -ca ccussi se chiama -
'N'anchilonga, piedi granni e senza dota,
Quale uomini, a ru munnu, vue mu l'ama-
Ma nu juornu Carmela arricchisciu
E l'oru fa parire 'a notte juornu.
Carmela, 'e capuappiedi se vestiu,
Mo l'amanti juornu e notte le stau 'ntuornu.
Dante Raso
Note: macra: magra ciota: stupida. Anchjlonga: dalle gambe lunghe
Nessun commento:
Posta un commento