Poesia

BETTAGGHJA- Stu vecchiu ccu su giaccu arrepezzatu 'u canusciti, 'u canusciti vui? Puru stu vecchiu scemu e sfrantumatu esta, criditi, chiu' filicia 'e nui! Vi guarda, e rida, poi si conza 'e latu e s'abbicina, vi', mannaja cui! - A Napuli, vintottu e trentadui... Jocativi, Ndo' Ge', ambu serratu... Accussi', dandu numeri ppe 'u lottu, l'affrittu si procura ncuna cosa, e mangia 'e crudu si tu mangi 'e cottu. U jornu 'u passa avanzi 'u Tribunala, a notta dorma duva Mara Rosa, e all'urtimu nci tocca ... a lu spitala! - Giovanni Patari -