Sant'Antoni a Nicastro.

‘A tridicina
Ohj cumu è bellu,ogni annu ‘i matina
I primi ‘i giugnu fhari ‘a tridicina
e jiiri a pedi a prigari a S. Antoni,
‘u prutitturi nuastru,povaru e squazuni.
E l’ aria ‘ntuarnu è fhrisca e profhumata,
ti sianti leggia ‘intra, e assicurata
ca ‘u Santu sta aspittandu puru a ttia,
‘na binidizzioni ti duna e accussì sia.

‘Ntr’ ‘a gghjasa ancora si sentinu cantari
Da ‘a tridicina ‘i canti ‘i ‘na vota,e su’speciali,
e llu cori s’ allarga a ricurdari
‘i quandu, ninni, viniamu ccà a circari
‘a grazja,vistuti puru nua ‘i monachjallu,
e lli gigghji ci purtavamu,
e li cira ci allumavamu e …aspittavamu,
prigavamu e….aspittavamu,
e llu Santu,doppu ‘a prucissioni accumpagnavamu,
e,doppu ‘i sbumbi,’i zotti,’a fhjaccolata,
fhjinia la fhesta,passava lla nuttata,
ma, ‘intr’ ‘u cori ,’a memoria n’ è ristata.

  Luciana Parlati