A strata e re fosse.

Tutte e strate se su' ruinate
Ma nessunu l’ha cunzate.
 I furbi fanu accordi
E a nui fricanu i sordi
Tutte e strate su scassate
Ma risurtenu asfaltate.





E sti Ccazzi” ! vui i sapiti?
Ccà cummanne ru Talianu
Nui restamu li curpiti
Iddri sanu cumu fanu.
Sunu a Roma, no a Parigi
Su celesti, janchi o grigi
Vuenu u munnu tuttu paru
Specie chissi e Catanzaru.
St'atru cazzu un mi cunvince
Ruinannu e tri pruvince
Ppe furmare a Regiune
Chissa forze a ragiune
Simu sempre mmienzu i guai
Ccu sti mezzi ca su assai
Amici,  parienti e zu Rimigiu
Vidienu u munnu tuttu grigiu.
Tuttu u munnu è mbastardito
C’è nu trafficu nfinitu
Nu via vai de stu Cusenza
N’ha purtatu cunseguenza.
un  parramu e l’autustrata
Ch’è finita quasi a ra Sila
Ppe nu tiziu s’è affermata
Sciupachiannu tanta pila.
N’ha purtatu chiù prugressu?
Ma l’amicu un d’era fessu
Sulu doppu, è statu ammessu
Ca u benessere è regressu.
                  Italia Maria Maione