domenica 8 novembre 2009

juta e binuta (andata e ritorno)

u ciucciu

Avia na vota n'uominu nu ciucciu
ch'avia perdutu a gula 'e fatigare
pe quantu ce facia, u poveru patrune
u ciucciu, tuostu, un capiscia ragiune.
E na matina ch'era propriu 'ncazzatu
u piglia, u liga e ru porta a ru mercatu.
A prisenza era bona, a gula 'un se vidia
tiempu nu paru d'ure  e già u vinnia.
cussì cuntientu de cumu l'era juta
 a ra cantina  va a se  fare na  vivuta.
Ma n'atru ciucciu vuiliannuse accattare
a fera fera, se mintiu a girare.
C'era nu ciucciu  lisciu e profumatu
chi u guardava c'uacchi e nnammuratu.
Custava caru, ma 'un ce steze a penzare
na stritta 'e manu e cunchidiu l'affare.
Ce saglie supra, e parrannu e bastunannu
a ru ciucciu a via d'a casa va mustrannu.
Ma u vinu e ra stanchizza eranu tanti
ca   u ciucciu lassa sulu jire avanti.
Pue chiù tardu, appena se rispiglia
se guarda attuornu cu granne meraviglia
e chi te vide? ca u ciucciu sprecuratu
n'atra vota a ra casa era tornatu

                               Antonio Coltellaro


Questa storia si riferisce ad un fatto realmente accaduto a Conflenti.
Il proprietario dell'asino l'aveva portato alla fiera per venderlo. Lo vendette, ma gli zingari, molto abili, lo trasformarono in poco tempo  e glielo rivendettero a un  prezzo maggiorato.

Nessun commento: