Festa paisana

Festa paisana

Madonna quanta gente c’è stasira

E chi bell’aria frisca se respira!

Vene n’adduru duce ‘e mastazzola

pare ru tiempu quannu jia a ra scola.

Eramu juti ppe stu munnu munnu

Mo simu cca e me pare nu suonnu.

C’è gente d’u chianiettu, d’u timpune

Fimmine, masculi, granni ccu guagliuni.

C'è chi vene ‘e luntanu e chi e vicinu:
 Roma, Torinu, Milanu e Brucculinu.

Simu partuti giuvani e ‘ncamati

Simu tornati janchi e ‘nquattrinati.

Eramu tutti ccu ru culu ‘e fore

Mo ognunu veste cumu nu signore.

Avimu tutti quanti ‘u cuntu ‘mbanca,

però u passatu a tutti quanti manca.

                                      Antonio Coltellaro