Ma duv'è juta?
Sugnu tornatu ieri a ru paise,
era tant'anni ca un tornava chiù,
l'aju giratu tuttu, sanu sanu
senza trovare mancu nu cristianu.
E case eranu tutte 'mpurteddrate
e canalette rutte ed arruzzate,
erba e ruvette a rasu d'ogni via
e a nu barcune nu zinzulu pennia.
Un c'è Nicola chi canta a ra putiga,
e a re catoja nessunu chiù fatiga.
Tiresina un se sente chiù gridare,
e a gente rispunnere e chiamare.
Fuma un ci n'è chiù a re ciminere
e d'i guagliuni mancanu e gridere.
notte e journu, nchiara o scura
c'è nu silenziu chi te fa paura.
Aju giratu cumu nu cazzune
pue me sugnu sedutu a nu scalune
e ciangiannu me sugnu dumannatu:
ma duve è juta tutta a gente mia?
Antonio Coltellaro
14 marzo 2015
Nessun commento:
Posta un commento