'Nu giometra, ‘ncignieri senza carte,
de fraviche e d’a
terra sapia l'arte.
N'amicu sue, riccu ma ‘gnorante ,
ogni vota domanne ne facia tante.
‘ncuntrannulu ppe’ casu intra 'na rasa
tremava tuttu ppe’ ‘a roba e ra casa:
-Giometra ...! Cica sta ppe’ venire ‘u terrimuotu?
Muglierma d’a paura ‘un d’ha dormutu!
Iu c’haiu dittu: - Rosì...!
statte sicura,
ca a casa nostra è supra
petra dura.
Rispunne u giometra: ppe’ essere sinceru
Te dicu ca ppe’ mie
chissu ‘un d’è veru
cu petra o senza petra, a casa è cumu paglia
si sutta sutta ce sta 'na granne faglia.
Luisella Stranges
Nessun commento:
Posta un commento