Filastrocca

 Arrancati vicini e luntani, 

ca se marita 'a ciota 'e  Puccianu

 e se piglia 'nu giuvaniellu

ch'è lu juri d 'u  Castiellu

Filastrocca

 vo', vo', vo'

'ncorna a mammata

 e vieni mo;

e si 'un vue venire mo,

dicemilu 'o sì, o no.

Filastrocca

 Iettamulu a mare

 ca s'u mangia u piscicane

u piscicane moriu 

e ninnuzzu sinne veniu!

Filastrocca

 Luna, e luna nova

e nun t'aju vista ancora; 

e mo chi t'aju vistu

salutame a Gesù Cristu.

Lumaca

 Cozzamaruca, mustrame e corna

ca te 'mparu a mammata duve dorme;

dorme sutta na petra 'e mulinu,

chi coglie majurana e petrusimu.

Filastrocca

  Margarita facìa lu pane

tutt'e musche cci  lle mmitava

ci nn'era una ardita ardita,   

cacciava l'uocchi a Margarita

Filastrocca

 Seddra, padeddra

riuaggiu e vajaneddra!

Ciccu

 Levate Ciccu  ch'è venutu Marcu

ed è benutu de Girifarcu

e t'ha portatu na viertula china 

levate Ciccu e divacatila.

Pecuraru

 Pecuraru mangiaricotta

va a ra ghiesa e 'un se gninocchia

'un se leva u berrettinu

pecuraru malandrinu

Primavera.

Canta, canta pecuraru

ch'è arrivata primavera

a ra faccia de jennaru

chi faciu chira nivera.

Filastrocca

 Sona, sona, sona tocca

ca Corajisima è morta

e lassala morire

 ca Pasqua  ha de venire!

Filastrocca

 za vecchareddra mia

te dugnu u dente viacchiu

duname 'u dente nuovu

forte cumu nu chiuvu 

e jancu cumu na corchia d'uovu!

zia vecchiarella mia

ti do il dente vecchio

dammi il dente nuovo

forte come un chiodo 

e bianco  come una buccia d'uovo.

Ninna nanna

 A mamma a desidera signora

cu ra carrozza cu ri servituri

 u patre a desidera regina

cu ra carrozza e nu servu vicinu

e duormi ninna nanna

duormi ch'è ura

ca i pari tui riposanu a chist'ura.

Ninna nanna

 Si a mamma u sapisse

fasci d'oru te mintisse

Si a mamma u sapera

fasci d'oru te mintera

Preghiera.

 Luna, santa luna, manname a bona furtuna: tu lucente ed iu cuntenta. Tu lustrata ed iu bona e fortunata.

San Giuseppe

San Giuseppe mastru d'ascia
Fai tiraturi e casce;
Fa' na cascia puru a mia,
San Giuseppe, e cussì sia

Filastrocca.

Madonna mia, nun fare chiovire
ca tata è jutu fore,
tene e scarpe tutte rutte,
e ru mantu struttu struttu.

Marzu

Marzu, marzicchiu
nu pocu chiove e nu pocu m'assulicchiu.

Luna.

" Luna, santa luna manname a bona furtuna:

Tu lucente ed iu cuntenta; tu lustrata ed iu bona e fortunata."

Luna, santa luna.

Luna, santa luna
Manname a bona furtuna:
Tu lucente ed iu cuntenta
Tu lustrata ed iu bona fortunata.