'U zirrusu

 'Na vota 'na persuna assai zirrusu

Chi ccu a mugliere sempre  se 'mbrigava

Ppe d'ogne picculezza, "lisicusu",

ogn'unu d'u paise, lu chiamava.

 

Mangiannu, ccu a mugliere, 'ntavulinu 

Tagliannu 'na fellazza 'e pane 'e granu, 

Ccu 'nu curtiellu chi avia nu tagliu finu,

 Se taglia, ' nu pochicchiu , a nna manu...

 

 Acchjappa stu curtiellu  e ru jettau

Fore 'a finestra supra 'e 'mpetriate.

Cadiennu, lu curtiellu le  gridau:

Mo viegnu e t'inchiu 'a panza 'e curtellate!

 

Dante Raso 

 

 Note: zirrusu: iroso 'mbrigare: litigare fellazza: una grande fetta

panza: pancia