Viernu

 

Viernu.

  Fore jazza c'ha fattu tanta nive

e re pullule su' quantu muccatura.

Lu vientu jujja forte e l'alive 

Su tutte cummegliate addirittura. 

 

Ppe jire a Trazzinu  ccu na vozza

Mu pigli 'n'ugna d'acqua  ppe bbivire,

Ccu sta nivera iu me rumpu 'a crozza 

Si scigulu, e nun vuogliu mo morire.

 

Si vaiju a Cicciuviesciu è pieju assai;

Si cadi llà te sciguli a Pumetta.

 Ccu ra cannata rutta sunu guai;

Mo  duve pigliu l'acqua? Intra 'a barretta? ... 

 

Dante Raso  (Conflenti Sup. 1877-  USA 1977)

 

 Note:  Jazza: nevica pullula: fiocco di neve  maccaturu: fazzoletto

jujja: soffia  da Jujjare   Alive: olive  Cummegliate: coperte

Vozza: brocca  Ugna: unghia.  in questo caso: un po'

nivera: nevicata.

 Trazzinu, Cicciuviesciu, Pumetta  sono delle località di Conflenti Superiore dove si trovavano delle fontane. 

 Delle tre, Cicciuviesciu  non esiste più.