Filippis Nicola - Paola Maria

 

Cchi munnu

  ' U munnu s'è ccussì  'mputtanisciutu

Chi, cum'è bberu Ddiu, riestu 'ncantatu.

 Vicienzo fuballista è ddivinutu

E Cicciu a ssissant'anni è 'nnamuratu.

Saveriu pisce d'acqua s'è ffaciutu,

Vittoriu va scapilli ed è ppilatu,

Michele de cudilla s'è cchjcatu

E Ddo Riccardu 'e nieru s'è bbistutu.

Ma 'nsumma, cchi ppe' crivu è ssuccidutu

'U munnu capisutta s'è bbutatu

O sugnu iu chi 'a vista haju perdutu?

Ccu ttutta quanta 'a forza ch'haju avutu

 Stamatina me sugnu scaffijatu

Ed haiu dittu; o sieculu curnutu!

Il busto di V. Butera a Conflenti.

 

Ricordo

 Il ricordo appare, scompare, riappare

Sei sempre nella mia mente

Definitivamente.

Escursioni 2024

 

 Buona  Pasqua.

Pasqua Fiorita

  Donna Flò, t'avia ccircatu,

Ppe' 'sta Pasqua, 'nu  martinu;

 Cumu va chi m'hai mannatu

 Chista rota de mulinu?

 ' Na cuzzupa ccu ccinqu'ova

 Sai  cchi prova?

 Ca si' ttroppu ginirusa

 E nnun s'usa.

Iu te mannu 'na juccata

 D'ova niure ' cicculata.

Settimana Santa.

 

Primavera

 Cara cummari, è primavera. Vene

De luntanu n'adduru de viole.

Iu me sientu'na cosa intra 'ste vene.

Chi nun t''o sacciu dire ccu parole.

 Vittorio Butera

 Gente de oje, tutta acitu e ffele, eranu miegliu

i tiempi d'e purcine.

 Giovanni Villella ( Falerna)

Cchiù Cchiù

  S'ogne bbota te sciegli mu me chiami

I juorni chi 'un ce sugnu,

Sempre de cchiù m'addugnu

Miché ca cchiù nu' mm'ami.

           Iu no. Quantu cchiù amare su' re pene

Tantu cchiù, Ddo' Mmiché, ti vuogliu bene.

!5 marzo 1933

Sempre a muollu

 Ah , cchi munnu sciliratu!

e  cchi bbita 'nciuotisciuta!

Mmenu  male ca 'nn'è datu

 De nne fare  'na futtuta!

  Zerti juorni, mi  nne fazzu

Cchiù ca puozzu... Nove, dece...

E ssi forra tuttu cazzu

 Sterra sempre intra 'nu cece!.